 |
| Geverfde stoele |
Om ‘n tuisbesigheid te
begin het verskeie voordele – een daarvan is dat jy nie ‘n plaas se geld nodig
het om aan die gang te kom nie. Jy kan ook natuurlik op ‘n deeltydse basis
begin en namate jou vaardighede toeneem kan jy dit tot ‘n volwaardige besigheid
ontwikkel. Om meubels te restoureer en te verf is ‘n ideale tuisbesigheid. Dit
verg min kapitaal en daar is altyd ‘n aanvraag na sulke dienste.
Ek het ou meubels
gerestoureer as ‘n stokperdjie en nadat ek afgetree het, het ek dit ontwikkel
tot ‘n betalende besigheid wat ek geniet en wat vir ‘n handige ekstra inkomste
sorg om my pensioen aan te vul. Jy kan so ‘n besigheid in jou motorhuis begin
en as jy enigsins hou van doen-dit-self projekte, sal jy waarskynlik ook die
meeste van die gereedskap wat benodig word reeds in jou besit hê.
As jy ernstig wil wees om meubels te restoureer en verf, sal jy minstens die volgende toerusting nodig hê.
 |
| Kompressor |
- 'n Goeie kompressor is noodsaaklik. As jy wil geld maak moet jy 'n professionele diens lewer. Slegs deur dit te spuitverf kan jy 'n professionele afwerking kry. Skaf vir jou 'n 100 liter tenk kapasiteit kompressor aan en minstens twee spuite - 2.0 mmm spuitstuk en 1.4 mm spuitstuk. Eersgenoemde is vir die aanwending van dikker verwe soos Akriliese PVA en die laasgenoemde vir dun spuitstowwe soos vernis en seëllaars.
- Belê in goeie skuurtoerusting. Jy benodig minstens 'n orbitale skuurmasjien en 'n band skuurmasjien.'n "Heat gun" is handig om verf te stroop.
- Maak seker dat jy 'n ordentlike verfmasker het. Ek beveel 'n 3M halfmasker aan.
Kapitale koste
|
Bedrag
|
Verfgereedskap
|
|
Kompressor – 100 liter
|
R 4 000
|
Verf spuite – 2mm en 1.4 mm
|
R 1 200
|
Verf masker
|
R 750
|
Elektriese skuurder
|
R 500
|
Belt skuurder
|
R 750
|
‘Heat gun”
|
R 350
|
Totale kapitaalkoste
|
R 7 550
|
