Maak Geld Uit Tuisgemaakte Lekkers

Het jy al daaraan gedink om geld te maak uit tuisgemaakte lekkers? Tuislekkers bied ‘n uitstekende geleentheid om ‘n betalende tuisbesigheid te begin. 

Lekker outydse fudge

Daar is drie belangrike elemente wat jy in ag moet neem as jy ‘n winsgewende tuis onderneming wil begin: 

• ·         Kies die regte produk

• ·         Fokus op kwaliteit

• ·         Kry ‘n effektiewe bemarkingstrategie.

As jy dit oorweeg om in een van die volgende opsies vir tuisgemaakte lekkers te spesialiseer kan jy ‘n hoogs betalende tuisbesigheid begin – geskenk mandjies van tuisgemaakte lekkers, ‘n lekkergoed bouquet besigheid of om te fokus op ‘n besonder lekker tuis resep vir gunstelinge soos fudge, sjokolade truffels, Turkish delight, peanut brittle ens. In my e-boek “ Baking for Profit –start a home business” gee ek beproefde resepte vir tuis lekkers en klein koekies om vir wins te bak.

Die verkope van lekkers is egter uiters mededingend en tensy jy werklik iets besonders het gaan jy dit moeilik vind om ‘n goeie besigheid op die been te bring. Maar daar is natuurlik baie opsies vir bemarking en die internet bied ‘n besondere geleentheid om ‘n groot aantal potensiële kliënte te bereik.

1. Kies die regte produk

Daar is baie opsies wanneer dit kom by lekkers wat jy kan maak. As jy byvoorbeeld ‘n fundi is in die maak van fudge kan jy met ‘n bietjie kreatiwiteit iets unieks byvoeg om ‘n produk te skep wat jou van die res kan onderskei. Jy kan byvoorbeeld jou basiese fudge resep aanpas deur die byvoeging van bestanddele soos:

• ·         Pepperment en groen voedsel kleursel bedek met sjokolade

• ·         Voeg grondboontjies en neute by en bedek met wit sjokolade

• ·         Voeg klapper en geursels by

• ·         Gebruik gekleurde gom lekkers en voeg dit by die fudge om dit helderkleurige lekkerte te    gee.

• ·         Voeg bestanddele by soos marshmallows, grondboontjie botter, sjokolade stukkies en neute.

So kan jy jou fudge in verskillende geure bemark. Jy kan ook jou produk koppel aan verskillende belangrike gebeurtenisse soos:

• ·         Kersfees fudge

• ·         Moedersdag fudge ens.

Ek het hierdie pad geloop en op 10 resepte vir lekkers en koekies gestandardiseer soos in “Baking for Profit” uiteengesit. Daarin kry jy beproefde resepte, ‘n bemarkingstrategie en ‘n model om winsgewende pryse te bepaal.

2   2.  Fokus op kwaliteit

Konstante pogings om elke baksel teen dieselfde hoë kwaliteit te bak is ‘n sleutel bestandeel vir sukses. Wanneer jy jou besigheid begin moet dit jou doelwit wees om ‘n reputasie vir kwaliteit produkte te bou. Daarom is dit belangrik dat jy beproefde resepte gebruik en dat jy streng sal hou by die resep. Dieselfde maatbekers en -lepels moet moet deurgaans gebruik word. Noukeurigheid in die afmeet van bestanddele is absoluut noodsaaklik. Kwaliteit is ook nie goedkoop nie. Gebruik net die beste bestanddele en moenie in die versoeking kom om goedkoop plaasvervangers te gebruik nie. Gebruik bv keurbotter in plaas van margarien.

Jy kan nie lekkers maak sonder ‘n goeie termometer nie. Daar is spesiale termometers om met suiker en sjokolade te werk en dit skakel variasies uit. Onthou om ‘n nuwe termometer eers te toets voordat jy dit gebruik. Water kook teen 100 grade celcius by die kus en teen ‘n laer temperatuur in die binneland. Kook ‘n pot water en kyk wat die lesing op die termometer is en vergelyk dit met die standaard. Maak dan die nodige aanpassings wanneer jy die termometer gebruik.

 3. Gebruik effektiewe bemarkingstegnieke

 

Tuis lekkers moet gemik wees op die meer kieskeurige kliënt wat bereid is om ‘n premie vir iets besonders te betaal. Die redes hiervoor is:

·         Eerstens -  jou verkoopsprys moet ‘n ordentlike winsmarge hê om jou vir jou moeite te beloon. Dit maak nie sin om met die groot kommersiële besighede meet te ding nie. Dit maak ook nie sin om al die moeite te doen en dan nie ‘n behoorlike inkomste daaruit te vedien nie.

·         Tweedens - Dit gaan jou geld kos om kwaliteit produkte te bemark. Gebruik goed ontwerpte verpakkingsmateriaal om die produkte in te verpak. Die verpakking is 50% van die sukses van jou produk- so moenie daarop afskeep nie.

·         Derdens - sonder ‘n goed ontwerpte webblad kan jy nie op die internet bemark nie. Dit sal jou loon om ook hierop geld te spandeer.

·         Vierdens - gebruik ander bemarkingskanale soos tuis nywerhede, vlooimarkte ens. om jou produkte te bemark.

As jy dit oorweeg om tuisgemaakte lekkers en klein koekies te maak en 'n tuisbesigheid te begin, kan jy in my eboek sien hoe ek dit reg gekry het om 'n suksevolle tuisbesigheid te begin.

Verouderingstegniek Deur Verf Van Meubels

Die tegniek om meubels te "verouder" of om dit te laat lyk of dit verweer is, is 'n dekoratiewe tegniek wat baie populer geword het en wat gebruik word om ou meubels 'n vars nuwe voorkoms te gee.Dit vorm deel van die sogenaamde "refinishing" of oorverf van meubels. Die algemeenste vorm is waar die boonste verflaag afgeskuur word op plekke waar natuurlike slytasie sou plaasvind om sodoende die oorspronklike hout of 'n verf onderlaag bloot te stel. Daar is selfs gevalle waar die hout oppervlak doelbewus beskadig word deur met 'n voorwerp daarop te slaan om duike te vorm om so die stuk te verouder. Die mate van veroudering hang grootliks af van persoonlike smaak maar daar is tog 'n paar aspekte wat oorweeg moet word.

Ou hangkas aggresief "verouder"

 Eerstens speel die styl van die meubelstuk 'n rol. Die doel met veroudering is om nie die karakter van die meubelstuk te  verander nie maar eerder om dit te beklemtoon.

Waar 'n meubelstuk patrone het wat skerp rantjies vorm is dit maklik om die randjies te skuur om die onderste laag te vertoon. Die proses kan delikaat van aard wees waar slegs fyn strepies vertoon word of meer aggresief waar groot dele van die onderste lae blootgestel word.

Tweedens is dit so dat sekere houtsoorte soos Den hulle daartoe leen om verouder te word. Donker houtsoorte soos Imbuia maak weer 'n mooi vertoning wanneer die hout blootgele word. Meubels wat van laaghout of "chipboard" gemaak is, gee nie baie goeie resultate met veroudering nie.

Dit is nodig om daarop te wys dat "chabby chic" en "distressing" nie na dieslefde ding verwys nie. Eersgenoemde is eerder 'n dekoratiewe styl wat meer insluit as net die verf van meubels. Ligte kleure soos pienk met blompatrone in gordyne, kussings ens. word gebruik saam met meubels wat verouder is om so 'n geheel prentjie van 'n vertrek te gee.

Besigheidsplan vir verf van meubels tuisbesigheid

Miskien sal jy dink dat om ‘n besigheidsplan vir ‘n tuisbesigheid te ontwikkel ‘n mors van tyd is. Die feit is dat selfs vir tuisbesighede dit myns insiens ‘n besondere waardevolle oefening is want dit dwing jou om deur ‘n dinkproses te gaan en te visualiseer hoe die besigheid kan ontwikkel. Dit help natuurlik ook om op die belangrike goed te fokus en om jouself aan sekere doelwitte te verbind. Die punt is dat ‘n tuisbesigheid soos enige ander besigheid benader moet word om dit ‘n sukses te maak.

‘n Goeie besigheidsplan moet sekere kern vrae beantwoord en dit verg behoorlike navorsing om  goeie antwoorde daarop te kry. Hier is ‘n paar riglyne:

            Hoekom wil jy ‘n meubelverf besigheid begin?

            Wat kan ek doen om dit anders as soortgelyke besighede te maak?

            Wie is my ideale kliënt?

            Wat wil ek in die eerste jaar bereik?

            Watter stappe moet ek neem om my doelwit(te) te bereik?

            Wat gaan die koste wees?

Spuitverf tegniek op kombuiskaste

            Wat gaan my prys strategie wees?

           

Miskien sal sit moeilik wees om aan die begin sommige van hierdie vrae te beantwoord en sal jy aanpassings moet maak soos jy vorder maar dit sal verseker dat jy jou besigheid in die regte rigting stuur. Dit is ook belangrik dat jy ‘n sogenaamde “SWOT” analise sal doen om vas te stel wat jou sterkpunte, swakpunte, geleenthede en bedreigings is. Met hierdie inligting  is jou kanse op sukses net soveel beter.

By die beantwoording van die vrae kan jy die volgende in aanmerking neem:

Hoekom ‘n verfbesigheid begin?

Daar kan baie redes wees om ‘n tuisbesigheid soos hierdie te begin. Dalk het jy al ou meubels as ‘n stokperdjie geverf en gerestoureer. Miskien is jy afgetree en wil jy jou pensioen aanvul of wil jy jou gewone inkomste aanvul en wil jy jou vrye tyd meer produktief en konstruktief aanwend. Miskien ken jy mense in die meubelbedryf wat van jou dienste gebruik kan maak. Miskien weet jy van iemand wat so iets doen en skynbaar geld daaruit maak. Wat ookal die rede(s) is behoort jy konstruktief daaroor na te dink en dit neer te skryf as riglyn vir die ontwikkeling van jou besigheid.

Wat kan my besigheid anders maak?

Om effektief in die markplek mee te ding moet jy probeer om unieke verkoopspunte of “unique selling points” (USP’s) te ontwikkel. Hoekom sal mense noodwendig van jou dienste gebruik maak? Is jy goedkoper? Bied jy spesiale kortings aan? Doen jy aflewerings? Het jy unieke vaardighede soos om met verftegnieke te werk? Gebruik jy meer gesofistikeerde verftegnieke soos om te spuitverf? Kan jy ‘n reeks dienste verskaf wat meer is as om net te verf?

Wanneer jy jou dienste bemark, is dit die dinge wat jy wil beklemtoon en wat jou van ander verskaffers onderskei.

Wie is jou ideale kliënt?

As jy weet wie jou teikenmark is kan jy jou strategie daarop fokus en so verhoed dat jy onnodige tyd en geld mors op pogings wat nie vrugte sal afwerp nie. In my tuisbesigheid fokus ek hoofsaaklik op die verf van ingeboude kaste want ek het ‘n spesiale reëling met ‘n kasvervaardiger om al sy verfwerk vir hom te doen en sodoende kan hy op sy primêre taak  (naamlik om kaste te bou) fokus. Daarbenewens het ek ook ander besighede soos binnehuisversierders en tweedehandse meubel winkels. Aan die begin het ek hoofsaaklik aan privaat mense dienste verskaf en alhoewel ek dit steeds doen is dit nie my hooflyn van inkomste nie.

Wat wil jy in jou eerste jaar bereik?

Slegs as jy doelwitte het kan jy groei. Doelwitte hoef nie noodwendig net monitêr van aard te wees nie. Dit kan aspekte insluit soos om nuwe verftegnieke aan te leer, of om ‘n spesifieke teikenmark te penitreer. Dit kan wees om ‘n handelsnaam/merk te vestig of om ‘n lojale kliënte basis daar te stel. Wat dit ook al is, onthou ook om realisties te wees sonder om minderwaardige doelwitte te stel – dit moet steeds ‘n uitdaging wees!

Watter stappe gaan jy neem om jou doelwitte te bereik?

Hierdie is ‘n voor- die -hand liggende vraag om te vra. Programme soos advertensieveldtogte, strooibiljette, radio en internet bemarking, besoeke en telefoongesprekke moet oorweeg word. Ek vind dat as ek op ‘n weeklikse basis my kliënte kontak om te verneem of daar moontlike projekte in die pyplyn is, dit hulle aktiveer om op te tree.

Spesiale promosies kan van tyd tot tyd aangebied word om sodoende jou marksegment te vergroot.

Wat gaan dit kos?

Dit is natuurlik die miljoen dollar vraag. Dit help nie jy het grootse idees maar jy kan dit nie bekostig nie. Daarom is dit belangrik om ‘n promosie begroting op te stel sodat jy kan seker maak dat dit nie jou besigheid (veral in die begin) nadelig sal beïnvloed nie. Dit help ook om te probeer bepaal wat jy as ‘n opbrengs op jou belegging kan kry met jou bemarkingspogings.

Wat gaan jou prys strategie wees?

Alhoewel jy in besigheid is om ‘n wins te maak, moet jy jou ook nie uit die mark prys nie. Jy moet weet wat jou mededingers vra en ook wat bekostigbaar is, veral vir jou  kommersiële kliënte. As jy weet dat jy ‘n konstante werkvloei sal hê en dat jy ‘n billike wins kan maak, is dit die moeite werd om vir groter kliënte ‘n mededingende prys te vra sodat albei partye daarby kan baat.

In die meubel verfbedryf is dit nie altyd maklik om ‘n prys te bepaal nie maar daar is modelle wat gebruik kan word. In my boek “Refinishing old furniture – start a home business” gee ek ‘n gedetaileerde uiteensetting van die stelsel wat ek oor die afgelope jare ontwikkel het en wat uitstekend vir my werk.

Hoe om ou verf van meubels te stroop

Daar is verskeie maniere om ou verf van meubels te stroop.

• ·         Stroop met die hand of met ‘n elektriese skuurmasjien

• ·         Stroop met ‘n chemiese verfstroper

• ·         Stroop met hitte

Gebruik van skuurpapier

Die verwydering van ou verf is soms noodsaaklik voordat jy met ‘n nuwe laag verf begin. Dit is veral noodsaaklik as die ou verflaag reeds begin skif of kraak. Dit is belangrik om die regte skuurpapier te gebruik. Die verkeerde keuse kan die hout beskadig of dit kan dit moeilik maak om die verf te verwyder.

Die algemene beginsel is om eers met ‘n growwer skuurpapier te begin en dit dan met ‘n fyner papier op te volg om die skuurmerke van die growwer papier te verwyder. Ek hou daarvan om met ‘n 80 of 100 grint papier te begin en dan met ‘n 220 grint of selfs fyner af te rond. Die doel is natuurlik om die hout oppervlak so glad as moontlik te kry. Onthou die verf sal nie die swak afwerking verberg nie – selfs al word dit gespuitverf. Die goue reël is “begin glad, eindig glad”.

Die regte metode is om altyd in die rigting van die houtgrein te werk. Wanneer jy met groot, plat oppervlaktes werk moet ‘n skuurblok verkieslik gebruik word om te verseker dat ‘n egalige skuuraksie gebruik word. 

Skuur met die hand is maar altyd ‘n tydrowende besigheid en dit vereis nogal geduld. Daarom is dit maar die beste om dit meganies met ‘n skuurder te doen. Dit is ongelukkig so dat daar sekere areas is soos hoekeis, ronde oppervlaktes ens. wat net met die hand gedoen kan word. My uitgangspunt is altyd om te kyk of jy nie kan wegkom daarmee om so min as moontlik te skuur nie. Die probleem is egter dat wanneer jy met ou meubels werk dit bykans altyd so is dat die ou verf ‘n oliebasis het en dan kan jy nie met waterverf direk daaroor verf nie want die olie slaan geel kolle deur die bolaag. Die oliebasis verf moet dus of verwyder word of geseël word voordat jy waterbasis verf aanwend.

Wanner jy skuurpapier koop moet jy daarop bedag wees dat daar spesifieke papier is vir hout en ander vir metaal. Daarbenewens kry jy ook nog droë- en nat skuurpapier. Vir houtwerk, gebruik liefs droë skuurpapier wat spesifiek vir hout geskik is.

Chemiese verfstroper

Chemiese verfstroper is ongetwyfeld die maklikste en vinnigste manier om ou verf te stroop. Daar is twee tipes beskikbaar – oliebasis en waterbasis. Die waterbasis het ongetwfeld baie meer voordele en my persoonlike keuse is die waterbasis tipe omdat:

• ·         Dit is baie veilger om te gebruik want dit affekteer nie die oë en hande so erg nie

• ·         Dit is bykans reukloos

• ·         Toerusting word maklik met water gewas

• ·         Bevat nie skadelike stowwe soos etileen chloried nie en is nie flambaar nie.

Dit is redelik maklik om te gebruik en jy hoef slegs die vervaardiger se voorskrifte te volg. In Suid Afrika vervaardig Plascon ‘n waterbasis stroper wat my gunsteling is. Dit is ‘n dik jel en kleef goed aan vertikale oppervlaktes. Die jel word mildelik met ‘n kwas aangewend en dan vir 10 tot 20 minute gelos om sy werk te doen. Sodra die verf begin krummel, neem jy ‘n verf skraper en skraap die verf so goed as moontlik weg. Onthou dis maar ‘n morsige besigheid en dit is raadsaam om ‘n geskikte houer byderhand te hê om die verf te in te stort. Dit is soms nodig om ‘n tweede laag op te sit . Sodra die meeste verf af is, is die finale stap om die stroper te neutraliseer met water voordat die gelaat word om droog te word. Ek neem ‘n gewone potskraper en verwyder die laaste bietjie verf en dis veral handig vir daardie plekkies wat andersins moeilik bereikbaar is. Neem dan ‘n natlap en vee die oorblywende stroper weg.

Nadat die hout behoorlik droog is, kan dit met skuurpapier afgewerk word tot ‘n gladde oppervlakte. Die stroop proses veroorsaak soms dat die houtgrein loskom en fyn “haartjies”op die oppervlak vorm. In so ‘n geval moet die hout eers met ‘n “sanding sealer” behandel word.

Stroop met hitte

Daar is hoofsaaklik twee stukke gereedskap vir hitte stroping – die sogenaamde “heat gun” en die blaasvlam (“blow torch”). Die grootste verskil is dat die blaasvlam ‘n oop vlam het en die “heat gun” blaas warm lug soos ‘n haardroër oor die oppervlakte. Die blaasvlam is natuurlik baie meer agresief en dit moet baie versigtig hanteer word om te verhoed dat die hout brand. Na my mening is dit nie eintlik geskik om verf van meubels te verwyder nie – veral as dit ‘n waardevolle stuk is. Die warm lug blaser werk meer sagkens en sal nie sommer die hout beskadig nie.

Met enige van die twee stukke gereedskap moet dit omtrent 150 tot 200 mm van die oppervlakte gehou word. Dit moet gedurig beweeg want sodra jy dit stil hou gaan die hout beskadig. Sodra die verf begin smelt moet dit met ‘n verfskraper verwyder word.

Verf sonder om ou verf te verwyder

Daar is natuurlik die alternatief om direk oor die ou laag te verf. As dit ‘n waterbasis verf is, kan jy direk daaroor verf. As dit ‘n oliebasis is kan die volgende stappe geneem word:

·         Was die oppervlakte met ‘n oplossing van suikerseep om vullis en olierigheid te verwyder.

·         Sodra dit droog is word die oppervlakte met ‘n 220 grint skuurpapier liggies geskuur

·         Nou word die hout geseël met ‘n waterbasis seeler soos Plascon se Glaze Coat

·         Wend nou die bolaag met waterbasis verf aan

Indien geel merke steeds deurslaan, seël weer en verf dan.

Toets om vas te stel of dit water- of oliebasis verf is

‘n Maklike toets is om vas te stel of dit ‘n oliebasis verf is, is om gewone spiritus op ‘n lap te sit en dit op die oppervlakte te vryf. As die lap met die verf verkleur of die verf sag word, is dit ‘n waterbasis verf. As niks gebeur nie is dit waarskynlik ‘n oliebasis verf.

 Kry verdere inligting

As jy belangstel om meer te weet van die restourasie van ou meubels en hoe om dit te spuitverf kan jy gerus my boek "Refinishing Old Furniture - start a home business." by T N van der Walt op Amazon gaan kry.